Իսրայելը կվերադառնա ՀԱՄԱՍ-ի հետ հրադադարի շուրջ բանակցությունների սեղան
Իսրայելի վարչապետ Բենիամին Նեթանյահուն հավանություն է տվել իսրայելական պատվիրակության վերադարձին Գազայի հատվածում հրադադարի շուրջ պաղեստինյան ՀԱՄԱՍ խմբավորման հետ բանակցություններին, ուրբաթ հաղորդում է CNN-ը։
«Նեթանյահուն զրույց է ունեցել Մոսադի հետախուզության տնօրենի և Գլխավոր անվտանգության ծառայության (Շին Բեթ) ղեկավարի հետ և հավանություն է տվել առաջիկա օրերին Դոհայում և Կահիրեում բանակցությունների հաջորդ փուլի անցկացմանը», - նշվում է Նեթանյահուի գրասենյակի հայտարարության մեջ:
2023 թվականի հոկտեմբերի 7-ին ՀԱՄԱՍ-ի զինյալները հարձակվեցին Իսրայելի վրա։ Ի պատասխան՝ իսրայելական բանակը գործողություն է սկսել Գազայի հատվածում պաղեստինյան խմբավորման դեմ։
ՀԱՄԱՍ-ն ավելի վաղ առաջարկել էր եռաստիճան հրադադարի ծրագիր անկլավում, որի համաձայն խումբը աստիճանաբար ազատ կարձակի ՀԱՄԱՍ-ի կողմից պահվող մնացած պատանդներին՝ Իսրայելի բանտերում պահվող հարյուրավոր պաղեստինցի բանտարկյալների ազատ արձակման դիմաց: ՀԱՄԱՍ-ը նաև պահանջել է զինադադար, Իսրայելի դուրսբերում Գազայի հատվածից և ազատ մուտք դեպի անկլավ մարդասիրական օգնության համար:
Նեթանյահուն քննադատել է այս պահանջները և խոստացել վերսկսել իսրայելական հարձակումը և շարունակել պայքարը մինչև ՀԱՄԱՍ–ի ոչնչացումը։
