ԱՄՆ Սենատը մերժել է Թուրքիային F-16 կործանիչների վաճառքը արգելափակելու փորձը, ցույց են տալիս քվեարկության արդյունքները։ Այս մասին տեղեկանում ենք ՌԻԱ Նովոստիից։ 

Սենատորները հրաժարվել են բանաձևի նախագիծը ներկայացնել արտաքին հարաբերությունների հանձնաժողովի ընդհանուր քվեարկությանը:

Այն բանից հետո, երբ Թուրքիան հրաժարվեց Շվեդիայի՝ ՆԱՏՕ մտնելու դեմ իր առարկություններից, Սպիտակ տունը խնդրեց Կոնգրեսին հաստատել F-16-ների և դրանց արդիականացման սարքավորումների վաճառքը Թուրքիային ավելի քան 20 միլիարդ դոլարով:

Հիշեցնենք՝ ավելի վաղ հայտնել էինք, որ սենատոր Ռենդ Փոլը դատապարտել է թուրքական F-16-ների կիրառումը 2020 թվականին Թուրքիայի, Ադրբեջանի կողմից Հայաստանի և Արցախի դեմ հարձակումների ժամանակ՝ կոչ անելով Սենատի իր գործընկերներին ընդունել բանաձև, որն արգելափակում էր F-16-ների և ամերիկյան այլ սպառազինության համակարգերի վաճառքը Թուրքիային։