Ի՞նչ են քննարկել Փաշինյանն ու ՔՊ-ականները․ փակ հանդիպումը տևել է ավելի քան 3 ժամ
«Ժողովուրդ» օրաթերթը գրում է․ «Խորհրդարանում երեկ տեղի ունեցած Նիկոլ Փաշինյանի և իշխանական պատգամավորների փակ հանդիպումը 3 ժամից ավել է տևել։
Թերթի տվյալներով` հանդիպմանը Նիկոլ Փաշինյանը նախ ներկայացրել է մյունխենյան բանակցությունների արդյունքները, մասնավորապես՝ Ադրբեջանի նախագահի հետ ունեցած հանդիպումը:
Ըստ էության, Փաշինյանը թիմակիցներին ակնարկել է, որ առանձնապես մեծ առաջընթաց չկա բանակցային գործընթացում, մյունխենյան հանդիպումն էլ հերթական հանդիպումն էր, ու կարևոր պայմանավորվածություններ ձեռք չեն բերվել:
Փաշինյանի ելույթից հետո ՔՊ-ականները հարցեր են ուղղել նրան»։
