Պետդումայում մեկնաբանել են ՀԱՊԿ-ում Հայաստանի մասնակցության սառեցման մասին հայտարարությունը

ՀԱՊԿ-ում Հայաստանի մասնակցության կասեցումը կարող է ժամանակավոր և անհրաժեշտ լինել «որոշ քաղաքական գործիչների նյարդերը հանգստացնելու համար»: Այս մասին  ՌԻԱ Նովոստիին հայտնել Է Պետդումայի ԱՊՀ հարցերով կոմիտեի ղեկավար Լեոնիդ Կալաշնիկովը:

«Ես կարծում եմ, որ «սառեցրել են» ասելով նկատի ունի որոշ ժամանակ, որն անհրաժեշտ է որոշ քաղաքական գործիչների նյարդերը հանգստացնելու և այդ կոլեկտիվ պայմանագրի շրջանակներում իրենց անվտանգության վրա հանգիստ աշխատելու համար»,-գործակալությանը մեկնաբանել է Կալաշնիկովը պայմանագրի կասեցումը:

Նա նշել է, որ Հայաստանն իսկապես արդեն մի քանի ամիս է, ինչ «սառեցրել է» իր մասնակցությունը ՀԱՊԿ-ում, թեև Երևանին այդ պայմանագիրը ձեռնտու է, հավելել Է խորհրդարանականը:

Ավելի վաղ ՀՀ վարչապետ Նիկոլ Փաշինյանը հայտարարել էր, որ Երևանը սառեցրել է իր մասնակցությունը ՀԱՊԿ-ին: