Պուտինը Նիկոլ Փաշինյանի հետ քննարկե՞լ է նրա հայտարարությունը
ՌԴ նախագահ Վլադիմիր Պուտինը Նիկոլ Փաշինյանի հետ դեռ չի քննարկել նրա հայտարարությունը ՀԱՊԿ-ին Երևանի անդամակցության «սառեցման» մասին: Այս մասին հայտնել Է ՌԴ նախագահի մամուլի քարտուղար Դմիտրի Պեսկովը:
«Այս պահին որևէ շփում չկա և չի եղել։ Բայց աշխատանքային շփումների շրջանակներում, իհարկե, մենք նկատի ունենք մեր հայ բարեկամներից պարզել, թե ինչ նկատի ուներ, ինչպես են գործերը։ Այդ պատճառով մենք շարունակելու ենք մեր երկխոսությունը Երևանի հետ»,-ասել է նա։
Նշենք, որ ավելի վաղ Պեսկովը ասել էր, որ Երևանը պաշտոնական ծանուցումներ չի ուղարկել Հավաքական անվտանգության պայմանագրի կազմակերպության (ՀԱՊԿ) անդամակցության սառեցման վերաբերյալ:
Հիշեցնենք` ՀՀ վարչապետ Նիկոլ Փաշինյանը հայտարարել էր, որ Հայաստանը սառեցրել է իր մասնակցությունը ՀԱՊԿ-ին:
