ԵՄ-ն պաշտոնապես հաստատել է ՌԴ-ի նկատմամբ պատժամիջոցների 13-րդ փաթեթը

Եվրոպական միության Խորհուրդն այսօր պաշտոնապես հաստատել է Ռուսաստանի նկատմամբ պատժամիջոցների 13-րդ փաթեթը։

Դրանք սահմանվում են 106 ֆիզիկական և 88 իրավաբանական անձանց նկատմամբ։ Այսպիսով՝ պատժամիջոցների ենթարկված անձանց ընդհանուր թիվը գերազանցել է երկու հազարը։

ԵՄ խորհուրդն ընդգծել է, որ պատժամիջոցների նոր փաթեթն ուղղված է անօդաչու թռչող սարքերի բաղադրիչներին Ռուսաստանի Դաշնության հասանելիությունը սահմանափակելուն։

Եվրամիությունը պատժամիջոցներ է սահմանել նաև Չինաստանի, Շրի Լանկայի, Սերբիայի, Ղազախստանի, Թաիլանդի և Թուրքիայի ընկերությունների դեմ՝ Ռուսաստանի նկատմամբ ընդունված պատժամիջոցների շրջանցմանն աջակցելու համար:

ԵՄ-ն արտահանման սահմանափակումներ է մտցրել ռուսական ռազմաարդյունաբերական համալիրին բաղադրիչներ տրամադրող 27 ընկերությունների և կազմակերպությունների նկատմամբ:

Այն ուժի մեջ կմտնի միության պաշտոնական մատյանում հրապարակվելուց հետո։