Արտակ Քամալյանը կդառնա՞ էկոնոմիկայի նախարար. ինչ է պատասխանել նա

Եվրասիական տնտեսական հանձնաժողովի արդյունաբերության և ագրոարդյունաբերական համալիրի հարցերով կոլեգիայի անդամ (նախարար) Արտակ Քամալյանը մեկնաբանել է Էկոնոմիկայի նախարարի թափուր պաշտոնը զբաղեցնելու մասին լուրը։

«Ո՛չ, հնարավոր չէ։ Բացառում եմ»,– Sputnik Արմենիայի հետ զրույցում ասել է Քամալյանը` մեկնաբանելով էկոնոմիկայի նախարարի պաշտոնում իր հարավոր նշանակման հարցը։

Նշենք, որ շուրջ 1 շաբաթ առաջ Վահան Քերոբյանը հեռացավ նախարարի պաշտոնից ու այս ընթացքում նախարարի պաշտոնում նշանակվելու մասին մի քանի անձի` ԱԺ ՔՊ–ական պատգամավորներ Գևորգ Պապոյանի, Բաբկեն Թունյանի անունները շրջանառվեցին, սակայն այդ լուրերն արագ հեքվեցին։ Դրանից հետո միայն սկսեց շրջանառվել Արտակ Քամալյանի անունը։