ԶՈՒ-ում կադրային նոր փոփոխություններ են տեղի ունեցել
ՀՀ նախագահ Վահագն Խաչատուրյանի փետրվարի 14-ի մի շարք հրամանագրերով`
Կարեն Գրիգորյանը նշանակվել է Զինված ուժերի գլխավոր շտաբի պետի տեղակալի պաշտոնում՝ ազատելով Հայաստանի Հանրապետության զինված ուժերի ինժեներական զորքերի պետ-վարչության պետի պաշտոնից, Թեմուր Շահնազարյանը նշանակվել է ԶՈւ ԳՇ օպերատիվ գլխավոր վարչության պետ-ԶՈւ ԳՇ պետի տեղակալ՝ ազատելով Հայաստանի Հանրապետության ԶՈւ կապի զորքերի պետ-կապի և ավտոմատացված կառավարման համակարգերի վարչության պետի պաշտոնից, իսկ Արսեն Մանգասարյանը նշանակվել է Վազգեն Սարգսյանի անվան ռազմական ակադեմիայի պետ՝ ազատելով Խաղաղապահ ուժերի բրիգադի հրամանատարի պաշտոնից:
Բացի այդ, Արմեն Սեյրանյանը նշանակվել է ԶՈւ ԳՇ ռազմավարական պլանավորման վարչության պետի պաշտոնում, Համլետ Լևոնյանը՝ Խաղաղապահ ուժերի բրիգադի հրամանատարի պաշտոնում:
Վաչագան Ներսեսյանն ազատվել է ՀՀ ԶՈՒ պատրաստության գլխավոր վարչության մարտական պատրաստության վարչության պետի պաշտոնից: ԶՈՒ ԳՇ շտաբի մարտական պատրաստության վարչության պետ է նշանակվել Դավիթ Ալեքսանյանը։Վիգեն Մկրտչյանը նշանակվել է ԶՈւ ԳՇ կապի զորքերի պետ-կապի և ավտոմատացված կառավարման համակարգերի վարչության պետ:
