2023 թվականի հոկտեմբերի 7-ից ավելի քան 26,7 հազար պաղեստինցի զոհվել է Գազայի հատվածում և Հորդանան գետի Արևմտյան ափին, մոտ 70 հազարը վիրավորվել են։ Այս մասին հայտնում է Al Jazeera հեռուստաալիքը՝ հղում անելով Պաղեստինի առողջապահության նախարարությանը։

Ինչպես նշում է գերատեսչությունը, 2023 թվականի հոկտեմբերին հակամարտության սրումից ի վեր Գազայի հատվածում իսրայելական հրետակոծությունների հետևանքով զոհվել է առնվազն 26,422 մարդ, այդ թվում՝ ավելի քան 10 հազար երեխա։ Անկլավի ևս 65,087 բնակիչ, այդ թվում՝ 8,663 երեխա, վիրավորվել են:

Հորդանան գետի արեւմտյան ափին առնվազն 370 պաղեստինցի է զոհվել, այդ թվում՝ 99 երեխա, ավելի քան 4250-ը՝ վիրավորվել։