Բանակցային կողմերը քննարկում են Իսրայելի և ՀԱՄԱՍ-ի միջև մեկ ամիս հումանիտար դադարի հարցը

Իսրայելի և պաղեստինյան ՀԱՄԱՍ շարժման միջև հրադադարի վերաբերյալ բանակցություններում առաջընթաց կա, քննարկման թեմաներից մեկը մեկ ամիս մարդասիրական դադար կիրառելու հարցն է։ Այս մասին հայտնել է NBC News հեռուստաալիքը՝ հղում անելով անանուն դիվանագետներին։

«Իսրայելի և ՀԱՄԱՍ-ի միջև հրադադարի շուրջ տարվող բանակցություններն առաջընթաց են գրանցում․․․ Քննարկման է դրված մեկ ամսից սկսած և ավելի ժամանակով մարդասիրական դադարի մասին առաջարկը, որին կհաջորդի մշտական հրադադարը», - ասվում է հեռուստաալիքի հաղորդագրության մեջ։

Աղբյուրներից մեկի համաձայն՝ բանակցություններն ավելի մեծ գործարքի մաս են, որը կարող է հանգեցնել Իսրայելի և Սաուդյան Արաբիայի հարաբերությունների կարգավորման։