Մյունխենի օդանավակայանում ձերբակալված Առնոլդ Շվարցենեգերն ազատ է արձակվել։

 Մաքսային կանոնները խախտելու համար դերասանը պետք է վճարի 35 հազար եվրո տուգանք։

Ավելի վաղ հայտնել էինք, որ դերասան Առնոլդ Շվարցենեգերին բերման են ենթարկել Մյունխենի օդանավակայանում՝ թանկարժեք ժամացույցը մաքսանենգ ճանապարհով տեղափոխելու փորձի ժամանակ։ Այս մասին հայտնում է Bild թերթը։

Ըստ կայքի տեղեկությունների՝ Շվարցենեգերն իր հետ տարել է Audemars Piguet ապրանքանիշի շվեյցարական շքեղ ժամացույցի պատճենը Կիցբյուելում կայանալիք կլիմայի համաշխարհային գագաթնաժողովին։ Դրանք հատուկ պատրաստվել են դերասանի պատվերով։ Նա մտադիր է դրանք վաճառել աճուրդում մոտ 20 հազար եվրոյով։

«Մենք հետաքննում ենք Առնոլդ Շվարցենեգերին հարկերից խուսափելու կասկածանքով, նա պետք է հայտարարագրեր ժամացույցը», - ասել է Մյունխենի մաքսային ծառայության ներկայացուցիչ Թոմաս Մեյսթերը։