ՏԵՍԱՆՅՈՒԹ․ ՌԴ-ն Ուկրաինայի ԶՈՒ-ի անօդաչուներ է խոցել
Ռուսական հակաօդային պաշտպանության (ՀՕՊ) միջոցները հունվարի 16-ի գիշերը հետ են մղել Ուկրաինայի Զինված ուժերի հարձակումը՝ Վորոնեժի մարզի տարածքում խոցելով հակառակորդի երեք անօդաչու թռչող սարք: Այս մասին հայտնել են Ռուսաստանի Պաշտպանության նախարարությունից։ Տեղեկությունը փոխանցում է ՌԻԱ Նովոստին։
Ավելի վաղ քաղաքի բնակիչները պատմել էին հզոր պայթյունների ձայների մասին, որոնց պատճառով ցնցվել էին բնակելի շենքերի պատուհանները: Ընդհանուր առմամբ, քաղաքացիները հաշվել են մոտ 5-9 պայթյուն, բարձր ձայներն ուղեկցվել են լույսի վառ բռնկումներով։
Մարզի նահանգապետ Ալեքսանդր Գուսևը հայտարարել է, որ ՀՕՊ ուժերը հետ են մղել անօդաչուների հարձակումը տարածաշրջանի վրա: Ըստ նախնական տեղեկությունների՝ տուժածներ չկան, սակայն բազմաբնակարան շենքերից մեկում հրդեհ է բռնկվել, ևս երկու, ինչպես նաև մի քանի առանձնատների ապակիները կոտրվել են:
