Ռուսաստանը գիշերը գնդակոծել է Ուկրաինայի 8 բնակավայր։ Օդեսայում և Խարկովում առնվազն 20 տուժած կա։  

Ռուսական բանակը հունվարի 17-ի գիշերը հարձակվել է ուկրաինական քաղաքների, այդ թվում՝ Խարկովի և Օդեսայի վրա, ինչի հետևանքով, ըստ ներքին գործերի նախարար Իգոր Կլիմենկոյի, առնվազն 20 մարդ վիրավորվել է, որոշների վիճակը ծանր է։

Խարկովի վրա օկուպանտները 2 հրթիռային հարված են հասցրել, տուժել է 17 մարդ։ ԱԻՊԾ ստորաբաժանումները փրկել են մեկ մարդու և տարհանել 30 բնակչի։ Հարվածի հետևանքով վնասվել են երկու տասնյակ բազմահարկ տներ և ավտոմեքենաներ։

Բացի այդ, Օդեսայի վրա հարվածային դրոններով հարձակման հետևանքով տուժել է 3 մարդ։ Փրկարարները տարհանել են 130 բնակչի: Վնասվել է քաղաքացիական բնակելի ենթակառուցվածքը։ Դեպքի վայրում բացվել է ԱԻՊԾ շարժական ջեռուցման կետ, ներգրավվել են հոգեբաններ։

Ռուս զինվորականները հարձակվել են նաև Խերսոնի, Դնեպրոպետրովսկի և Սումիի շրջանների վրա։

«Բարեբախտաբար, տուժածներ չկան։ Ընդհանուր առմամբ, այս գիշեր արձանագրվել է 10 գնդակոծություն երկրի 8 բնակավայրերի ուղղությամբ», - նշել է ՆԳ նախարարը։