Գնացքներ են բախվել. կան զոհեր և վիրավորներ. Ինդոնեզիա
Ինդոնեզիայի Արևմտյան Ճավա նահանգում այսօր առավոտյան բախվել են երկու գնացք։ Վագոնները շրջվել են, ինչի հետևանքով մահացել է մեկ մարդ, վիրավորվել առնվազն 28–ը։ Այս մասին հայտնում է ՌԻԱ Նովոստին՝ հղում անելով ինդոնեզական Tribun պորտալին։
«Վիրավորներից 24-ը գտնվում են Չիկալենկայի շրջանային հիվանդանոցում, երկուսը` Չիկալենկայի համայնքային առողջության կենտրոնում, երկուսը` տեղի հիվանդանոցում, մեկ մարդ մահացել է», -Արևմտյան Ճավայի նահանգապետի պաշտոնակատար Բեյ Մահմուդինի խոսքերըն է մեջբերում պորտալը:
Պաշտոնյան հավելել է, որ բախման հետևանքով մահացել է գնացքներից մեկի անձնակազմի անդամը։ Մահմուդինի խոսքով՝ զոհերի և վիրավորների մասին տվյալները դեռ թարմացվում են։
Վթարի մասնակից երկու գնացքներում եղել է 478 մարդ։
