Այսօր՝ հունվարի 4-ին Իսրայելի ռազմաօդային ուժերի՝ Հարավային Լիբանանին հասցրած հարվածի հետևանքով սպանվել է «Հըզբոլլահի» բարձրաստիճան հրամանատար Հուսեյն Յազբեկը: Այս մասին  հայտնում են իսրայելական լրատվամիջոցները։

Հաղորդվում է, որ նրանից բացի ոչնչացվել է կազմակերպության ևս 3 գրոհային։

Ռազմական օպերացիան տեղի է ունեցել Հըզբոլլահի առաջնորդ Նասրալլայի հունվարի 3-ի ելույթից անմիջապես հետո, որում նա Իսրայելին սպառնացել է հունվարի 2-ին Բեյրութում ՀԱՄԱՍ-ի բարձրագույն ղեկավարության ներկայացուցիչ Սալեհ Ալ-Արուրիի ոչնչացման համար «սարսափելի վրեժխնդրությամբ»: