Հնդկաստանի ԱԳՆ-ն՝ Ուկրաինա ռազմամթերք ուղարկելու վերաբերյալ լուրերի մասին
Հնդկաստանը ոչ մի հրետանային արկ չի ուղարկել Ուկրաինա։ Այս մասին ճեպազրույցի ժամանակ հայտարարել է Հնդկաստանի ԱԳՆ պաշտոնական ներկայացուցիչ Ռանդհիր Ջայսվալը, հայտնում է ՌԻԱ Նովոստին։
«Մենք տեսել ենք լրատվամիջոցների որոշ հաղորդագրություններ։ Հայտարարում ենք, որ մենք այդ հրետանային զինամթերքից ոչ մեկը չենք ուղարկել Ուկրաինա։ Չի արտահանվել և չի ուղարկվել», - ընդգծել է նա։
Նշենք, որ ավելի վաղ մի շարք լրատվամիջոցներ, հղում անելով ուկրաինացի զինվորականների հրապարակած տեսանյութերին, հայտնել էին, որ Ուկրաինան, ըստ երևույթին, հնդկական 155 մմ հրետանային արկերի հասանելիություն է ստացել։
