Իրավիճակը՝ Հայաստանի ճանապարհներին. ձյուն է տեղում
Հունվարի 3-ին՝ ժամը 19։30-ի դրությամբ, Անիի, Սպիտակի, Արթիկի, Թալինի տարածաշրջաններում և Ջաջուռի լեռնանցքում ձյուն է տեղում։ Այս մասին տեղեկացնում է «Ճանապարհային դեպարտամենտ»–ը:
«Միջպետական և հանրապետական նշանակության բոլոր ավտոճանապարհները բաց են: Ճանապարհաշինարարներն ավտոճանապարհներին իրականացնում են մաքրման և աղ-ավազով մշակման աշխատանքներ: Վթարներից, պատահարներից և խցանումներից խուսափելու համար վարորդներին խորհուրդ է տրվում երթևեկել բացառապես ձմեռային անվադողերով»,– նշվում է հաղորդագրության մեջ:
