Ադրբեջանցիները շարունակում են կռիվ տալ հայկական խաչքարերի դեմ
Արցախում իրականացված ցեղասպանական գործողություններից, էթնիկ զտումներից` տարածքը բնիկ հայերից մաքրելուց հետո Ադրբեջանը պատերազմ է հայտարարել հայկական արժեքներին։ Այս մասին հայտնում է Արցախի պատմական միջավայրի պահպանության պետական ծառայությունը։
«Ադրբեջանցիները այս անգամ ավերել են Մարտակերտ քաղաքի Դանիել Վարուժանի փողոցում գտնվող Հարութ Բաբայանի և Գարիկ Մնացականյանի հիշատակը հավերժացնող խաչքար - հուշաղբյուրը։ Այն կանգնեցվել էր 2021 թվականի հոկտեմբերին Հարութ Բաբայանի հոր՝ Ռաշիդ Բաբայանի մտահղացմամբ ու անձնական միջոցներով»,- նշվում է հաղորդագրության մեջ։
