«Դա վատ ազդանշան կլինի ողջ աշխարհին»․ Ռիհո Տերասը՝ ռուս-ուկրաինական հակամարտության մասին
Ռուսաստանը կարող է փչացնել Ուկրաինայի Սուրբ Ծնունդը, եթե նա որոշի գնալ հարձակման։ Այս մասին ERR հեռուստառադիոընկերությանը ասել է Էստոնիայի պաշտպանության ուժերի նախկին ղեկավար, Եվրախորհրդարանի պատգամավոր և պաշտոնաթող գեներալ Ռիհո Տերասը, հայտնում է ՌԻԱ Նովոստին:
«Ուկրաինայի ուժը սպառվում է, Ռուսաստանը նույնպես շատ ուժ չունի, բայց այն կարող է բավարար լինել Սուրբ Ծննդյան հարձակման համար», - ասել է նա:
Տերասի կարծիքով՝ Մոսկվան զգալիորեն մեծացրել է ռազմական ճնշումն Ուկրաինայի վրա, և առջևում երկու շատ կարևոր շաբաթ է սպասվում։ Նա նշել է, որ եթե ճակատը փլուզվի և Ռուսաստանը գրավի ինչ-որ մեծ բնակեցված տարածք, դա վատ ազդանշան կլինի ողջ աշխարհին։
