«Արարատ-73»-ի լեգենդ Նիկոլայ Ղազարյանը ծանր վիճակում տեղափոխվել է հիվանդանոց․ մանրամասներ
Այսօր՝ համացնացում տեղեկություն տարածվեցին, որ Երևանի լեգենդար «Արարատ-73»-ի նախկին հարձակվող, ԽՍՀՄ սպորտի վարպետ Նիկոլայ Ղազարյանը տեղափոխվել է թիվ 8-րդ հիվանդանոց:
Auroranews-ը տեղեկությունը ճշտելու և լեգենդար ֆուտբոլիստի առողջության մասին այլ մանրամասների համար կապ հաստատեց «ԵՐԵՎԱՆ» բժշկագիտական կենտրոն (նախկին 8-րդ հիվանդանոցն է):
«Նիկոլայ Ղազարյանը հիվանդանոց է տեղափոխվել երեկ կեսգիշերին ծանր վիճակում, շնչական և սուր սրտային անբավարածության ախտորոշմամբ։ Նա գտնվում է վերակենդանացման բաժանմունքում։ Վիճակը կայուն ծանր է: Կենսական ցուցանիշների տեսանկյունից գիտակցությունը կա, բայց լիարժեք չէ: Հսկողությունը, բուժումը շարունակվում է», -ասաց հիվանդանոցի գլխավոր բժիշկ Հովհաննես Կժդրյանը։
