Հնդիկը գնել է Լոնդոնի ամենաթանկ առանձնատունը
Հնդիկ միլիարդատեր «Պատվաստանյութերի արքայազն» կոչվող Ադար Պունավալլան գնել է Լոնդոնի ամենաթանկ առանձնատունը: Այս մասին հայտնում է բրիտանական Financial Times թերթը։
Հաղորդվում է, որ գնված Aberconway House առանձնատան արժեքը, որը գտնվում է Մեյֆեյրում՝ Հայդ պարկի մոտ, կազմում է մոտ 138 միլիոն ֆունտ ստերլինգ: 2,3 հազար քառակուսի մետր ընդհանուր մակերեսով շենքը կառուցվել է անցյալ դարի 20-ական թվականներին։
Միլիարդատերը 2011 թվականին ստանձնել է պատվաստանյութ արտադրող աշխարհի ամենամեծ՝ Հնդկաստանի շիճուկ ինստիտուտի ղեկավարությունը: Այնտեղ են արտադրվել Oxford-AstraZeneca պատվաստանյութի հարյուր միլիոնավոր չափաբաժիններ:
