ՏԵՍԱՆՅՈՒԹ․ Մեզ արդեն 1 ամիս է` խաբում եք. Սիմիդյանը չմոտեցավ բողոքի ակցիայի մասնակիցներին

Կառավարության շենքի մոտ բողոքի ակցիա անող ձկնաբուծարանների աշխատակիցները` ՀՀ ՇՄ նախարար Հակոբ Սիմիդյանին դիմելով ասում են․ «Մեզ արդեն 1 ամիս է` խաբում եք»:

Կառավարության 3–րդ մասնաշենքի մոտ նախարարը սպասում էր ՀՀ վարչապետի գալստյանը։ Սիմիդյանը այդպես էլ չմոտեցավ բողոքի ակցիայի մասնակիցներին, նա հեռվից ասում էր որ կհանդիպեն և լուծումներ կառաջարկեն

Նշենք, որ ձկնաբուծարանների ներկայացուցիչները փակել են դեպի Շրջակա միջավայրի նախարարության շենքի հետևի մուտքը՝ Փաշինյանին հեռանալ թույլ չտալու համար։

Հավելենք, որ ձկնաբուծական տնտեսությունների ներկայացուցիչները ՀՀ շրջակա միջավայրի նախարարությունից պահանջում են հետաձգել Ջրային օրենսգրքում փոփոխությունների նախագիծը, ըստ որի՝ Հայաստանի ձկնաբուծական տնտեսությունները, որոնք ջուր են ստանում ստորգետնյա հորատանցքերից, պետք է օգտագործեն միայն ջրի շրջանառության խնայող համակարգեր։