«Իրավիճակը Հայաստանում մեր ամուր աջակցությունն է պահանջում»․ ԵՄ ներկայացուցիչ
Իրավիճակը Հայաստանում մեր ամուր աջակցությունն է պահանջում․ տեսնենք՝ ինչպես կարող ենք ավելացնել։ Այս մասին ԵՄ Արևելյան գործընկերության ԱԳ նախարարների հետ հանդիպմանն ասել է Եվրամիության արտաքին գործերի և անվտանգության հարցերով բարձր ներկայացուցիչ Ժոզեպ Բորելը։
Բորելը նաև հայտարարել է, որ համաժողովից առաջ իր առաջին հանդիպումը կլինի Հայաստանի ԱԳ նախարարի հետ։
«Օրս կսկսեմ Հայաստանի ԱԳ նախարարի հետ հանդիպմամբ՝ մինչև ԱԳ նախարարների հանդիպման մեկնարկը։ Ողջ Արևելյան գործընկերության տարածքում բարդ իրավիճակ է՝ Բելառուս, Ուկրաինա, ապա նաև՝ Հարավային Կովկաս․․․ Լավ լուր է, որ Վրաստանը առաջ է ընթանում ԵՄ անդամակցության ուղով, բայց իրավիճակը Հայաստանում մեր ամուր աջակցությունն է պահանջում․ տեսնենք՝ ինչպես կարող ենք ավելացնել»,- ասել է Բորելը։
