Կրեմլն արձագանքել է Կիևի պայմանների շուրջ բանակցությունների մասին ԱՄՆ հայտարարությանը
ՌԴ նախագահի մամուլի քարտուղար Դմիտրի Պեսկովը հայտարարել է, որ Կրեմլն անիրատեսական է համարում, որ Մոսկվան Ուկրաինայի հարցով կբանակցի Կիևի պայմաններով։ Այս մասին նա հայտարարել է ամենօրյա մամուլի ճեպազրույցի ժամանակ։
«Սա բացարձակապես անիրատեսական է»,- ընդգծել է Պեսկովը։
Ավելի վաղ ԱՄՆ նախագահի ազգային անվտանգության գծով օգնականի տեղակալ Ջոնաթան Ֆեյները հայտարարել էր, որ Միացյալ Նահանգները նախատեսում է համոզել Ռուսաստանին մինչև 2024 թվականի վերջը Ուկրաինայի հարցով խաղաղ բանակցություններ վարել Կիևին ձեռնտու պայմաններով։
