«Ֆրանսիան վնասում է Հայաստանին». Էրդողան

Թուրքիայի նախագահ Ռեջեփ Թայիփ Էրդողանը մեկնաբանել է Ֆրանսիայի կողմից Հայաստանին զենք մատակարարելը։ Այս մասին տեղեկանում ենք տեղի լրատվամիջոցներից։ 

Հունաստանից վերադառնալուց հետո թուրքական պետության ղեկավարը լրագրողների հետ զրույցում ասել է, որ Ֆրանսիան այս քայլերով ոչ թե լավություն է անում Հայաստանին, այլ միայն վնասում է նրան։

«Նրանք, որոնք զինում են Հայաստանին, ամենակարճ ժամանակում նրան միայնակ կթողնեն։ Ֆրանսիան Հայաստան է ուղարկում զրահափոխադրիչներ, ինչն ուղղակի սադրանք է: Ֆրանսիան պետք է իմանա, որ ոչ թե լավություն է անում Հայաստանին, այլ, հակառակը, վնաս հասցնում»,- ասել է Էրդողանի խոսքերը։

Նա նաև հավելել է, որ Հայաստանի իշխանությունները, դասեր քաղելով վերջին իրադարձություններից, չպետք է «սադրանքների» դիմեն։

«Հայաստանին ձեռնտու է օգտվել խաղաղության հնարավորությունից և չընկնել իրեն ապակողմնորոշող երկրների ծուղակը։ Ադրբեջանի հետ խաղաղության վրա հիմնված հարաբերությունները լավագույն տարբերակն են Հայաստանի համար»,-նշել է Էրդողանը։