Որքան է Գազայի հատվածում հոկտեմբերի 7-ից ի վեր զոհերի և վիրավորների թիվը

Գազայի հատվածում հոկտեմբերի 7-ից ի վեր Իսրայելի կողմից ռմբակոծությունների հետևանքով զոհերի թիվը հասել է 15899-ի, վիրավորների թիվը հասել է 42000-ի։ Այս մասին հայտնում է անկլավի առողջապահության նախարարությունը:

Հիշեցնենք՝ հոկտեմբերի 7-ին Իսրայելը ենթարկվել է աննախադեպ մասշտաբի հրթիռային հարձակման Գազայի հատվածից։ Իսրայելն ու ՀԱՄԱՍ-ը Կատարի միջնորդությամբ նոյեմբերի 22-ին առաջին պայմանավորվածությունն էին ձեռք բերել հոկտեմբերի 7-ին հակամարտության սրումից ի վեր: Քառօրյա հրադադարը սկսեց գործել նոյեմբերի 24-ին, այնուհետև այն երկու անգամ երկարաձգվեց, նախ երկու օրով, ապա՝ ևս մեկ:

Անցած ուրբաթ առավոտյան Իսրայելի և Գազայի հատվածում իշխող պաղեստինյան ՀԱՄԱՍ շարժման միջև զինադադարի ժամկետը լրացել է, դրա երկարաձգման մասին պաշտոնապես չի հայտարարվել: Իսրայելի պաշտպանության բանակը (ՑԱԽԱԼ) հայտարարել է, որ ՀԱՄԱՍ-ը խախտել է ռազմական գործողությունների դադարն ու կրակ բացել իսրայելական տարածքի վրա, իսրայելցի զինվորականները վերսկսել են ռազմական գործողությունները Գազայի հատվածում պաղեստինյան շարժման դեմ: