ՀԱՄԱՍ-ը ստիպված կլինի վայր դնել զենքերը․ Բերբոք

Վերսկսված մարտերի ֆոնին Բերբոքը կրկին կոչ է արել երկարաձգել հումանիտար զինադադարը և հայտարարել, որերկու պետությունների ստեղծման հման վրա պաղեստինա-իսրայելական հակամարտության լուծման համար ՀԱՄԱՍ-ը պետք է վայր դնի զենքերը։

«Իսրայելի անվտանգությունը հնարավոր է միայն այն դեպքում, եթե պաղեստինցիները նույնպես ապագայի հեռանկարներ ունենան», – ասել է Բերբոքը:

Սակայն երկու պետությունների լուծումը կյանքի կոչելու համար անհրաժեշտ կլինի համոզվել, որ ՀԱՄԱՍ-ը չի կարող վերախմբավորվել և էքզիստենցիալ վտանգ ներկայացնել Իսրայելի համար, ասել է նախարարը։

«Իհարկե, դա կնշանակի նաև, որ ՀԱՄԱՍ-ը պետք է վայր դնի զենքերը»,- ընդգծել է նա։

Ավելի վաղ Իսրայելի պաշտպանական բանակը՝ ՑԱԽԱԼ-ը հայտարարել է ռազմական գործողությունների վերսկսման մասին։ Տարածած հայտարարության մեջ ՑԱԽԱԼ-ը ՀԱՄԱՍ-ին մեղադրել է մարտերում «օպերատիվ դադարի» պայմանները խախտելու և իսրայելական տարածքը գնդակոծելու մեջ: