ՏԵՍԱՆՅՈՒԹ. Ուժգին փոթորիկ Ղրիմում. ծովը հեղեղել է Եվպատորիայի մայրուղին. ծառերն արմատախիլ են լինում, տանիքները՝ պոկվում
Ղրիմում ծովը դուրս է եկել ափերից և հեղեղել կուրորտային Եվպատորիա քաղաքի մայրուղին: Այս մասին հայտնում են ռուսական ԶԼՄ–ները:
Նշվում է, որ մինչև 40 մ/վ արագությամբ փոթորիկը արմատախիլ է անում ծառերը և պոկում տանիքներ։ Եվպատորիայի շատ շրջաններ հեղեղված են, իսկ Սևաստոպոլում կանգնեցվել է հասարակական տրանսպորտի աշխատանքը։
Փոթորիկը հասել է Անապա և Կրասնոդար, որտեղ ուժեղ քամիներ են մոլեգնում։
«Փոթորիկը մոլեգնում է Ղրիմի Հանրապետության և Կրասնոդարի երկրամասի բոլոր քաղաքներում: Ծառեր են թափվում, կոտրվել են էլեկտրահաղորդման գծերը, տներն ու փողոցները մնացել են առանց լուսավորության»,– գրում է Известия–ն՝ այն անվանելով «դարի փոթորիկ»:
