ՏԵՍԱՆՅՈՒԹ. Պայթյուններ և հրդեհ՝ ՌԴ զորամասերից մեկում
Հրդեհ է բռնկվել ՌԴ ՊՆ–ին պատկանող օբյեկտում:
Ինչպես նշում են թելեգրամյան ալիքները՝ հրդեհը բռնկվել է Վոլգոգրադի շրջանի Կոտլուբան գյուղից երկու կիլոմետր հեռավորության վրա։ Տեղի բնակիչները հայտնել են մի շարք պայթյունների մասին։ Հնարավոր է, որ արտակարգ դեպքը տեղի է ունեցել զինամթերքի պահեստում։
Նահանգապետ Անդրեյ Բոչարովը մեկնաբանել է իրավիճակը. «Կոտլուբան գյուղի մերձակայքում գտնվող զորամասերից մեկի տարածքում հրդեհ է տեղի ունեցել։ Հրդեհը արագորեն տեղայնացվել և մարվել է մարզային հրշեջ ծառայության, ԱԻՆ–ի և ՊՆ-ի ուժերով»:
