ՏԵՍԱՆՅՈՒԹ. Նեթանյահուն մեկնել է Գազա և հայտնել ՀԱՄԱՍ–ի դեմ պատերազմի նպատակները
Իսրայելի վարչապետ Բենյամին Նեթանյահուն մեկնել է Գազա և անձամբ զրուցել իսրայելցի զինվորականների հետ:
«Մենք բոլոր ջանքերը գործադրում ենք մեր պատանդներին վերադարձնելու համար, և ի վերջո մենք բոլորին կվերադարձնենք»,- ասել է Նեթանյահուն իր գրասենյակի կողմից հրապարակված տեսանյութում։ Նրա խոսքով՝ իսրայելական իշխանությունները պատերազմում երեք նպատակ ունեն՝ վերացնել ՀԱՄԱՍ-ը, վերադարձնել բոլոր իսրայելցի պատանդներին և ապահովել, որ Գազայի հատվածը կրկին սպառնալիք չդառնա Իսրայելի համար։
«Մենք շարունակելու ենք մինչև վերջ, մինչև հաղթանակ, մեզ ոչինչ չի կանգնեցնի, և մենք համոզված ենք, որ ունենք ուժ, կամք և վճռականություն՝ հասնելու պատերազմի բոլոր նպատակներին, և մենք դա կանենք»,- ասել է նա։
Իսրայելի վարչապետի աշխատակազմի հաղորդմամբ՝ Նեթանյահուն այցելել է իսրայելական զորքերի կողմից հայտնաբերված ՀԱՄԱՍ-ի թունելներից մեկը։
