ՀԱՊԿ-ն հաստատել է Միացյալ խաղաղապահ ուժերի հրամանատարության նոր կառուցվածքը. Հայաստանը նիստերին չի մասնակցել
ՀԱՊԿ անդամ երկրների պաշտպանության նախարարությունների ղեկավարները հավանություն են տվել ասոցիացիայի արագ արձագանքման հավաքական ուժերի ռազմական կոնտինգենտների և հատուկ նշանակության ուժերի կազմավորումների բարելավման նախաձեռնությանը։ Այս մասին ասվում է Բելառուսի պաշտպանության նախարարության հայտարարության մեջ, որը հրապարակվել է Telegram-ում։
«Հաստատվել է ՀԱՊԿ Հավաքական խաղաղապահ ուժերի միացյալ հրամանատարության նոր կառուցվածքը, ՀԱՊԿ անդամ պետությունների կողմից հատկացված ուսումնամարզական բազաների և ուսումնական կենտրոնների ցանկը՝ ՀԱՊԿ հավաքական խաղաղապահ ուժերի ձևավորումը, պատրաստումն ու համակարգումն ապահովելու համար», - գրել է գերատեսչությունը։
Բացի այդ, համաձայնեցվել են առաջարկություններ զորքերի խմբերում հաղորդակցությունն ապահովելու, ինչպես նաև զորամիավորումների միջև նյութական փոխադրման կարգի վերաբերյալ:
Հիշեցնենք, որ ՀՀ ՊՆ մամուլի քարտուղար Արամ Թորոսյանը ավելի վաղ հայտնել էր, որ Հայաստանի պաշտպանության նախարար Սուրեն Պապիկյանը չի մասնակցի
ՀԱՊԿ շրջանակներում Մինսկում կայանալիք հանդիպումներին:
