Հնդկաստանի վարչապետը փորձարկել է Tejas կործանիչը և կարծիք հայտնել
Հնդկաստանի վարչապետ Նարենդրա Մոդին անձամբ է փորձարկել հնդկական Tejas կործանիչը:
Թռիչքը տեղի է ունեցել Բանգալորում՝ Կարնատակա նահանգի հարավում։ Tejas-ը մեկ նստատեղով կործանիչ է, սակայն Մոդին թռել է երկու նստատեղով վարժեցնող տարբերակով:
«Դա անհավանական փորձ էր: Այն ուժեղացրեց իմ վստահությունը մեր երկրի սեփական հնարավորությունների հանդեպ և ստիպեց ինձ կրկին հպարտություն և լավատեսություն զգալ մեր ազգային ներուժի նկատմամբ», - հայտնել է Նարենդրա Մոդին։
Քաղաքական գործիչը հավելել է, որ Tejas մարտական ինքնաթիռը կարող է գործել ցանկացած եղանակային պայմաններում: Հավելենք, որ կործանիչի ստեղծման աշխատանքները սկսվել են 1980-ական թվականներից։ 2015 թվականին որոշվեց կործանիչ մատակարարել Հնդկաստանի բանակին։ Ներկայումս աշխատանքներ են տարվում Tejas MK2 կործանիչի նոր մոդիֆիկացիայի ուղղությամբ:
