ԱՄՆ-ում Իսրայելի դեսպանը հույս է հայտնել, որ շուտով «զգալի թվով» պատանդներ կազատվեն
ԱՄՆ-ում Իսրայելի դեսպան Մայքլ Հերցոգը ABC-ին տված հարցազրույցում հույս է հայտնել, որ ՀԱՄԱՍ-ը շուտով կազատի «զգալի թվով պատանդների»։
«Հուսով եմ, որ մենք կարող ենք գործարք կնքել մոտ օրերս»,- ասել է Հերցոգը։
ՀԱՄԱՍ-ը հոկտեմբերի 7-ին Իսրայելի վրա հարձակման ժամանակ մոտ 240 պատանդ է վերցրել։ Քաթարի միջնորդները ձգտում են համաձայնության գալ Իսրայելի և ՀԱՄԱՍ-ի միջև՝ մի քանի օրվա հրադադարի դիմաց տասնյակ պատանդների փոխանակման վերաբերյալ: Լրատվամիջոցների տեղեկություններով, ընդհանուր ուրվագծերը համաձայնեցված են, սակայն Իսրայելը շարունակում է քննարկել մանրամասները։
Իսրայելի կառավարությունն աճող ճնշման տակ է պատանդների ընտանիքների կողմից, որոնք պահանջում են նրանց անհապաղ ազատումը։
