ՏԵՍԱՆՅՈՒԹ. ԵԱՏՄ ոչ մի երկրում դիզվառելիքի գինն այնքան բարձր չէ, որքան ՀՀ–ում. ԱԺ պատգամավոր
ԵԱՏՄ ոչ մի երկրում դիզվառելիքի գինն այնքան բարձր չէ, որքան ՀՀ–ում։
Այս մասին ՀՀ ԱԺ հայտարարությունների ժամին ասաց ՀՀ ԱԺ «Հայաստան» խմբակցության պատգամավոր
Գառնիկ Դանիելյանը։
Ըստ նրա` իշխանությունների անգործության արդյունքում ուղիղ վնաս
է հասցվում քաղաքացու գրպանին։
«Վերջին ամիսներին առանց տնտեսագիտական հիմնավորումների թանկանում
է դիզվառելիքը։ Հեղուկ գազի արժեքը 160 դրամից դարձել է 220 դրամ, իսկ բենզինի պրեմիում
տեսակի 1 լիտրը հատել է 570 դրամի սահմանը։ Սա վկայում է ոլորտում վերահսկողության
լիակատար բացակայության մասին։ Հարցով նախևառաջ պետք է զբաղվեր ՀՀ մրցակցության պետական
հանձնաժողովը, մինչդեռ ոչ միայն չի ուսումնասիրում գնաճի պատճառները, այլև հանձնաժողովի
նախագահնասել է, որ իրենց պատկերացմամբ` բենզինի գները դեռ մի բան էլ ցածր են»,– ընդգծեց
նա։
Պատգամավորը չի բացառում, որ ՄՊՀ նախագահի այս արտահայտությունն
էլ առիթ է տվել բենզինի ներկրմամբ ու վաճառքով զբաղվող տնտեսվարողներին էլ ավելի բարձրացնել
բենզինի արժեքը։
«Ժամանակին ընդդիմադիր պատգամավոր Նիկոլ Փաշինյանն ԱԺ ամբիոնից
ասում էր` եթե բենզինի գինը բարձրանում է, եկեք բրդեք մեքենաները, կարագը թանկացել
է, եկեք խառը կանաչի ուտենք… Եվ սա ասում է մի մարդ, որի օրոք անկում են ապրում գրեթե
բոլոր ոլորտները ու կանգնել ենք անվտանգային նոր մարտահրավերների առաջ»,- հայտարարեց
Դանիելյանը։
