Համացանցում հրապարակվել են կադրեր, որոնցում երևում է Գազայի հատվածի երկինքը այս պահին: 

RT-ի փոխանցմամբ՝ պաղեստինյան խմբերը գրում են, որ ՑԱԽԱԼ–ը ֆոսֆորային ռումբեր է արձակել «Շիֆա» հիվանդանոցի տարածքում:

Ավելի վաղ հայտնել էինք, որ Իսրայելի պաշտպանության բանակի խոսնակ, գնդապետ Փիթեր Լերները BBC-ի եթերում հաստատել է, որ իսրայելական բանակի ստորաբաժանումները գտնվում են «Շիֆա» հիվանդանոցի տարածքում։ 

«ՀԱՄԱՍ-ը որոշել է իր ահաբեկչական ուժերի ռազմավարական դիրքերը տեղակայել հիվանդանոցների տակ և շրջակայքում: Մենք փորձում ենք խրախուսել հիվանդանոցներում թաքնված մարդկանց տարհանումը»,– ասել է նա։ 

Գնդապետ Լերները հավելել է, որ, ըստ ՑԱԽԱԼ–ի, ՀԱՄԱՍ-ի հիմնական ուժերն ու հրամանատարական կենտրոնները գտնվում են Գազա քաղաքում։ 

Պաղեստինյան աղբյուրները պնդում են, որ Գազայում հիվանդանոցային տարածքներն արդեն կրակի տակ հայտնվել են։