Լիբանանի տարածքից մեկ ժամից ավելի է՝ հրթիռակոծվում է Իսրայելի հյուսիսը: Կիրյաթ Շմոնա քաղաքում հրթիռն ընկել է տեղի սրճարաններից մեկի վրա: ԶԼՄ–ները հաղորդում են, որ տուժել է 2 քաղաքացի:

Ըստ տեղական լրատվամիջոցների՝ ընդհանուր առմամբ 12 հրթիռ է արձակվել Լիբանանի հետ սահմանակից իսրայելական տարածքի վրա: Ըստ նույն աղբյուրների՝ հարվածների պատասխանատվությունը ստանձնել է ՀԱՄԱՍ–ի տեղի բջիջը: 

Համացանցում Lիբանանի սահմանին գտնվող իսրայելական ռազմական օբյեկտներում պայթյունների տեսանյութ է տարածվել:

Լրատվամիջոցները տեղեկատվություն են տարածում լիբանանյան տարածքից հակամարտության սկզբից ի վեր ամենամեծ հրթիռի արձակման մասին։ Առայժմ հայտնի է միայն, որ Նաքուրայի մոտ իսրայելական ռազմածովային բազան խոցվել է «երկիր-երկիր» չորս հրթիռներով:

Զանգվածային hարձակումներից անմիջապես հետո լիբանանյան սահմանի երկայնքով ուժեղ կրակ է սկսվել «Հեզբոլլահ»-ի և իսրայելական բանակի միջև: