Հետագա սրումը չի բացառվում․ Լիբանանի վարչապետը՝ Իսրայելի հետ հակամարտության մասին
Լիբանանի վարչապետ Նաջիբ Միքաթին հայտարարել է, որ ձգտում է թույլ չտալ, որ երկիրը հակամարտության մեջ մտնի Իսրայելի հետ,սակայն չի բացառում հետագա սրումը, փոխանցում է ՏԱՍՍ-ը։
«Ես կատարում եմ իմ պարտականությունները՝ թույլ չտալով, որ Լիբանանը մտնի պատերազմի»,- ասել է նա Agence France-Presse-ին։
Միաժամանակ վարչապետն ասել է, որ «չի բացառում հակամարտության սրումը»։
Իրավիճակը Մերձավոր Արևելքում վատթարացել է հոկտեմբերի 7-ին Գազայի հատվածից Իսրայել ՀԱՄԱՍ-ի հազարավոր զինյալների ներթափանցումից հետո: Երկու հարյուրից ավելի պատանդներ են գերեվարվել։
