ՀԱՄԱՍ-ը պատասխանել է Իսրայելի կողմից միջուկային զենք օգտագործելու հնարավորության մասին հայտարարությանը
Գազայի հատվածին միջուկային հարված հասցնելու հնարավորության մասին իսրայելցի նախարարի հայտարարությունները արտացոլում են այս կառավարության և նրա առաջնորդների կողմից պաղեստինյան ժողովրդի դեմ իրականացվող ահաբեկչությունը։ Այս մասին ասել է պաղեստինյան ՀԱՄԱՍ շարժման խոսնակ Հազեմ Քասեմը, փոխանցում է ՌԻԱ Նովոստին։
«Սիոնիստական օկուպացիայի (Իսրայել) այսպես կոչված ժառանգության նախարարի հայտարարություններն այն մասին, որ Գազայի հատվածին միջուկային հարված հասցնելը քննարկվող տարբերակներից մեկն է, արտացոլում է աննախադեպ հանցավոր ահաբեկչությունը, որը կիրառվում է ընդդեմ մեր պաղեստինցի ժողովրդի այս ֆաշիստական կառավարության և նրա առաջնորդների կողմից», - ասված է Քասեմի հայտարարության մեջ, որը հրապարակվել է շարժման Telegram ալիքում։
ՀԱՄԱՍ-ի ներկայացուցիչը նաև նշել է, որ նման հայտարարությունները բխում են Գազայի հատվածում Իսրայելի գործողություններին ԱՄՆ-ի լիակատար աջակցությունից։
Ավելի վաղ հայտնել էինք, որ Kol Berama ռադիոկայանի եթերում, պատասխանելով հաղորդավարի այն հարցին, թե պետք է արդյոք միջուկային հարված հասցնել պաղեստինյան անկլավի վրա, Էլիյահուն նշել է, որ «դա հնարավոր տարբերակներից մեկն է»: Ավելի ուշ նախարարը նշել է, որ «ցանկացած ողջամիտ մարդու համար պարզ է, որ ատոմային ռումբի մասին պնդումը փոխաբերական է»: Իսրայելի վարչապետ Բենիամին Նեթանյահուն մերժել է Գազայի հատվածի վրա միջուկային ռումբ նետելու հնարավորության մասին Երուսաղեմի եւ հրեական պետության ժառանգության հարցերով նախարար Ամիհայ Էլիյահուի հայտարարությունները:
Նշենք, որ վարչապետ Նեթանյահուն նաև կառավարության նիստերից անժամանակ հեռացրել է Ժառանգության նախարար Ամիչայ Էլիահուին։
