Պեսկովն ասել է` ինչպես կարգավորել պաղեստինա-իսրայելական հակամարտությունը
Պաղեստինա-իսրայելական հակամարտության կարգավորման հիմքը պետք է լինի անկախ պաղեստինյան պետության ստեղծումը, ասել է ՌԴ նախագահի մամուլի քարտուղար Դմիտրի Պեսկովը։
«Ռուսական կողմի դիրքորոշումը շատ հետևողական է: Դա բազմիցս արտահայտվել է նախագահ Պուտինի կողմից: Մենք դատապարտում ենք ահաբեկչության բոլոր դրսևորումները, ցավակցում ենք զոհվածների հարազատներին և ընկերներին: Կարծում ենք, որ անհրաժեշտ է շուտափույթ հրադադար ապահովել և հասնել խնդրի լուծմանը, որի հիմքը պետք է լինի պաղեստինցիների անկախ պետականության ապահովումը»,- լրագրողներին ասել է Պեսկովը։
Նա հավելել է, որ Ռուսաստանը «բավականին կանոնավոր և ինտենսիվ երկխոսություն է վարում իսրայելական կողմի հետ» և պարբերաբար կարծիքներ է փոխանակում։
