Պետդուման անորոշ ժամանակով հետաձգել է հայկական վարորդական վկայականների ճանաչումը
Պետդուման անժամկետ հետաձգել է հայկական վարորդական իրավունքի ճանաչումը: Այս մասին փոխանցում է ՌԻԱ Նովոստին:
Պետդուման որոշել է անժամկետ հետաձգել ՌԴ-ում ձեռնարկատիրական և աշխատանքային գործունեության համար ՀՀ քաղաքացիների վարորդական վկայականների ճանաչումը, ինչի մասին հայտնել է Պետդումայի մամուլի ծառայությունը:
«Պետդումայի պատգամավորները որոշեցին անորոշ ժամանակով հետաձգել ՀՀ քաղաքացիների՝ ձեռնարկատիրական և աշխատանքային գործունեություն իրականացնելիս ազգային վարորդական վկայականները ճանաչելու մասին օրինագծի քննարկումը։ Առաջին ընթերցմամբ կառավարության նախաձեռնած օրինագիծն ընդունվեl էր 2022թ.»,-նշված է հաղորդագրության մեջ:
Քննարկման ժամանակ Պետդումայի նախագահ Վյաչեսլավ Վոլոդինը նշել է, որ օրինագծով առաջարկվում է Հայաստանին տալ լրացուցիչ նախապատվություններ` չնայած այն հանգամանքին, որ Հայաստանի պատգամավորները, ղեկավարությունը և կառավարությունը որևէ քայլ չեն ձեռնարկել ռուսաց լեզվի կարգավիճակի ամրապնդման ուղղությամբ: Այս հիմքով է որոշում ընդունվել Ռուսաստանի տարածքում այլ երկրների ազգային վարորդական վկայականների օգտագործումը թույլատրելու մասին:
