Իսրայելը խոցել է ՀԱՄԱՍ-ի 400 թիրախ, սպանել` շարժման բազմաթիվ անդամների
Իսրայելի պաշտպանության բանակը (IDF) իր Telegram ալիքում հայտնել է, որ 24 ժամվա ընթացքում խոցել է ավելի քան 400 թիրախ և սպանել պաղեստինյան ՀԱՄԱՍ շարժման բազմաթիվ անդամների, այդ թվում՝ մի քանի հրամանատարների։
«Վերջին 24 ժամվա ընթացքում Իսրայելի պաշտպանության բանակը հարվածներ է հասցրել ահաբեկիչների ավելի քան 400 օբյեկտի և սպանել ՀԱՄԱՍ-ի մի քանի հրամանատարների և հարձակումներ նախապատրաստող բազմաթիվ զինյալների», - նշված է հաղորդագրության մեջ:
Ինչպես նշվում է, բանակը հարվածներ է հասցրել ՀԱՄԱՍ-ի տասնյակ գրոհայինների։ Հաղորդվում է նաև, որ հարվածներ են հասցրել ՀԱՄԱՍ-ի տասնյակ ենթակառուցվածքներին և հենակետերին:
