Թուրքիայում 3 օր սուգ է պաղեստինցիների համար, իսկ ՀՀ-ում մինչև այսօր չկա 44-օրյա պատերազմի զոհերի ցանկը․ թյուրքագետ
«Եթե հայկական պետությունը չի արժեվորում մեր տված զոհերը, դա չի անի ոչ մեկ»: Աս մասին գրել է թյուրքագետ Վարուժան Գեղամյանը։
«Էրդողանը Թուրքիայում եռօրյա սուգ է հայտարարել Պաղեստինում զոհված խաղաղ բնակիչների համար: 85 միլիոնանոց երկիրը սգում է մոտ 500 մուսուլմանի մահը: Իհարկե, Էրդողանը սրանով բարձրացնում է իր դերը իսլամական համայնքում: Սակայն դա չէ էական:
Արցախում զոհված մոտ 300 հայ տղերքի և հրդեհից ևս 200 խաղաղ հայ բնակչի համար հայկական պետությունում` Հայաստանի Հանրապետությունում ոչ միայն սուգ չհայտարարվեց, այլև չի հրապարակվել նույնիսկ զոհերի անվանական ցանկը: Ինչպես որ մինչև այսօր չկա 44-օրյա պատերազմի զոհերի ցանկը»,-գրել է նա:
Թյուրքագետը հավելել է․ «Եթե հայկական պետությունը չի արժեվորում մեր տված զոհերը, դա չի անի ոչ մեկ»:
Հիշեցնենք՝ ավելի վաղ հայտնել էինք, որ Թուրքիայի իշխող կուսակցության խորհրդարանական խմբակցության փոխնախագահ Օզլեմ Զենգինը հայտնել է 3 օր սուրգ հայտարարելու մասին։
