Գերմանիայի կանցլեր Օլաֆ Շոլցը Պուտինին «ցինիկ» է անվանել
Գերմանիայի կանցլեր Օլաֆ Շոլցը ՌԴ նախագահ Վլադիմիր Պուտինին «ցինիկ» է անվանել՝ կապված Մերձավոր Արևելքի իրավիճակի մասին նրա հայտարարությունների հետ, գրում է BBC-ն։
«Ես կատաղում եմ, երբ լսում եմ, թե ինչպես է ՌԴ նախագահը աջ ու ձախ նախազգուշացումներ անում, որ խաղաղ բնակիչները ռազմական առճակատման զոհ են դառնալու։ Պարզապես անհնար է ավելի ցինիկ լինել», - ասել է Շոլցը:
Հիշեցնենք` հոկտեմբերի 7-ի առավոտյան Իսրայելը Գազայի հատվածից աննախադեպ հրթիռային հարձակման ենթարկվեց։ Գազայի հատվածում զոհերի թիվը գերազանցել է 3400-ը, իսկ Իսրայելի զոհված բնակիչներինը` հազարը, մի քանի հազար իսրայելցիներ և պաղեստինցիներ վիրավոր են:
