ՏԵՍԱՆՅՈՒԹ․ Մենք կկարողանանք հետ մղել այդ հարձակումները․ Պուտինը՝ ATACMS հրթիռների մատակարարման մասին
Մենք կկարողանանք հետ մղել ATACMS հրթիռները, սա չի փոխի իրավիճակը առաջնագծում: Այս մասին Չինաստանում իր ելույթի ժամանակ ասել է ՌԴ նախագահ Վլադիմիր Պուտինը՝ մեկնաբանելով Ուկրաինայի զինված ուժերին ամերիկյան ATACMS հրթիռների մատակարարման մասին տեղեկատվությունը։
«Նախ, այս մատակարարումը, իհարկե, վնասակար է, և սա լրացուցիչ սպառնալիք է ստեղծում։ Երկրորդ՝ մենք, իհարկե, կկարողանանք հետ մղել այդ հարձակումները»,- ասել է Պուտինը։
Նա ATACMS-ի մատակարարումն անվանել է Միացյալ Նահանգների սխալ և ասել, որ դրանք միայն կերկարացնեն «Ուկրաինայի տառապանքը»:
Հիշեցնենք՝ Ուկրաինայի նախագահ Վլադիմիր Զելենսկին հաստատել է, որ Ուկրաինայի զինված ուժերն առաջին անգամ ATACMS հեռահար հրթիռներով հարվածներ է հասցրել ռուսական դիրքերին։
