ՏԵՍԱՆՅՈՒԹ․ Կամիկաձե ԱԹՍ-ն հարվածել է Հյուսիսային Իրաքում գտնվող ամերիկյան բազային․ ԶԼՄ
Ենթադրվում է, որ կամիկաձե անօդաչու թռչող սարքը հարվածել է Հյուսիսային Իրաքում գտնվող ամերիկյան բազային։ Այս մասին գրում է RT на Руском-ը։
««Հեզբոլլահի» Telegram ալիքը գրում է, որ ԶԼՄ-ներում այս լուրերից հետո իրաքյան «Թաշքիլ ալ-Վարիթին» խմբավորումը հայտարարել է, որ հարվածել է ամերիկյան բազային՝ ի նշան Պաղեստինի ժողովրդին աջակցության», - գրում է լրատվամիջոցը։
Լրատվամիջոցը հավելում է, որ հրապարակված տեսանյութը սոցցանցից է։
Հավելենք, որ ավելի վաղ՝ Reuters-ին հղումով, հայտնել էինք, որ ԱՄՆ զինված ուժերը անօդաչու թռչող սարքերի միջոցով կանխել են Իրաքում գտնվող ամերիկյան զորքերի վրա հարձակումը: Գործակալության աղբյուրների փոխանցմամբ՝ անօդաչուները փորձել են հարվածել իրաքյան «Ալ-Ասադ» ավիաբազային, որտեղ տեղակայված են ամերիկյան զորքերը։
Գործակալության զրուցակիցները, սակայն, չեն հայտնել, թե որ երկրին կամ շարժմանն են համարում հարձակման պատասխանատուն:
