Գազայի հատվածում գտնվող Ռաֆահ քաղաքից ծուխ է բարձրանում Եգիպտոսից տարածաշրջան հասած մարդասիրական օգնությունից ժամեր անց: Այս մասին գրում են տեղի լրատվամիջոցները՝ կից հրապարակելով տեսանյութ։ 

Ականատեսները հաղորդում են, որ Գազայի հատվածի հարավում գտնվող Ռաֆահ քաղաքում ծխի սյուն է բարձրանում: Ավելի վաղ տեղական լրատվամիջոցները հայտնել էին տարածաշրջանում իսրայելական օդուժի հարվածների մասին։

Հիշեցնենք՝ մի քանի ժամ առաջ Եգիպտոսից ժամանած 20 բեռնատար՝ խաղաղ բնակչության սննդամթերքով ու դեղորայքով, անցել է «Ռաֆահ»-ի անցակետով։Հրապարակվել են նաև տեսակադրեր։ «Ռաֆահ»-ի անցակետը փակվել է 20 բեռնատարների անցնելուց անմիջապես հետո։