ԱՄՆ-ն կանխել է Իրաքում իր զորքերի վրա հարձակումը
ԱՄՆ զինված ուժերը այսօր` հոկտեմբերի 18-ին, անօդաչու թռչող սարքերի միջոցով կանխել են Իրաքում գտնվող ամերիկյան զորքերի վրա հարձակումը: Այս մասին հայտնում է Reuters գործակալությունը՝ վկայակոչելով ամերիկյան բարձրաստիճան աղբյուրնեին: Տեղեկատվությունը հայտնում է ՌԻԱ Նովոստին: Գործակալության աղբյուրների փոխանցմամբ՝ անօդաչուները փորձել են հարվածել իրաքյան «Ալ-Ասադ» ավիաբազային, որտեղ տեղակայված են ամերիկյան զորքերը։
«Ամերիկացի զինվորականները չորեքշաբթի վաղ առավոտյան կանխել են Իրաքում իրենց ուժերի դեմ հարձակումը՝ որսալով երկու անօդաչու թռչող սարք, նախքան նրանց հարված հասցնելը», - ասվում է հաղորդագրության մեջ:
Գործակալության զրուցակիցները, սակայն, չեն հայտնել, թե որ երկրին կամ շարժմանն են համարում հարձակման պատասխանատուն:
