Իսրայելը ավիահարված է հասցրել Հորդանան գետի արևմտյան ափին՝ Ջենինում գտնվող Ալ Անսար մզկիթին։

Իսրայելական բանակը հայտարարել է, որ մզկիթը օգտագործվել է որպես հրամանատարական կենտրոն՝ հարձակումներ պլանավորելու համար։

«Իսրայելի պաշտպանության ուժերը ավիահարված են հասցրել Ջենինի Ալ-Անսար մզկիթի տարածքում գտնվող ստորգետնյա ահաբեկչական օբյեկտին: Մզկիթում տեղակայված էր ՀԱՄԱՍ-ի և «Իսլամական ջիհադի» խմբավորման հրամանատարական կենտրոնը, որոնք ահաբեկչություն էին նախապատրաստում մոտ ապագայում»,- ասվում է հաղորդագրության մեջ։

Պաղեստինյան ԶԼՄ-ները հայտնում են խաղաղ բնակչության շրջանում զոհերի ու վիրավորների մասին։