ՏԵՍԱՆՅՈՒԹ․ Իսրայելը կադրեր է հրապարակել․ ի՞նչպես են ապացուցում հիվանդանոցի հրթիռակոծության մեջ իրենց անմեղությունը

ՑԱԽԱԼ-ը հրապարակել է տեսագրություն` ապացուցելու համար, որ Գազայի հատվածի Ալ Ահլի հիվանդանոցի հրթիռակոծությունը Իսրայելի ԶՈւ-ն չի արել, քանի որ հակառակ դեպքում պայթյունը մեծ շրջանակ (crater) կթողներ, մինչդեռ հարակից շենքերը չեն վնասվել, միայն հրդեհ է տարածվել։

Հրապարակված կադրերի կողքին կցված են լուսանկարներ․ դրանք ցույց են տալիս իսրայելական ռմբակոծությունների հետևանքները, որոնք, ինչպես իրենք են հայտնում, տարբերվում են երեկ տեղի ունեցած ավիահարվածներից։ 

Իսրայելական կողմը նշում է՝ սա ապացուցում է, որ հիվանդանոցը խոցվել է «Իսլամական ջիհադ» խմբավորման կողմից արձակված անսարք հրթիռով։

Գազայի բապտիստական ​​հիվանդանոցին հարվածներ են հասցվել հոկտեմբերի 17-ի երեկոյան։  Գազայում հիվանդանոցի վրա հարձակման հետևանքով զոհերի թիվը գերազանցել է 800-ը։ Հրապարակվել են նաև Գազայի հատվածում հիվանդանոցի վրա ավիահարվածի հետևանքները ներկայացնող կադրեր: 

Պաղեստինը մեղադրում է Իսրայելին։ Իսրայելական բանակը հայտարարել է, որ հետաքննում է միջադեպը և տեղի ունեցածը կապում է «Իսլամական ջիհադ»–ի կողմից հրթիռի անհաջող արձակման հետ: Իսրայելի վարչապետ Բենյամին Նեթանյահուն ասել է, որ իսրայելցի զինվորականները չեն հարվածել հիվանդանոցին, և տեղի ունեցածի պատասխանատվությունը կրում են «Գազայի հատվածի բարբարոս ահաբեկիչները»։ Պաղեստինի նախագահ Մահմուդ Աբասը հարձակումն անվանել է «իսրայելական ռազմական հանցագործություն» և եռօրյա սուգ հայտարարել։