Պեկինում ընթանում են Պուտինի ու Ծինփինի բանակցությունները

Պեկինում բանակցություններ են ընթանում ՌԴ նախագահ Վլադիմիր Պուտինի և Չինաստանի առաջնորդ Սի Ծինփինի միջև։ Ղեկավարները նախատեսում են շփումներ ունենալ պատվիրակությունների մասնակցությամբ, իսկ անհրաժեշտության դեպքում՝ տետ-ա-տետ, հայտնում է РИА Новости–ն։ 

Ռուսաստանի ղեկավարը նշել է, որ ներկա պայմաններում պահանջված է սերտ արտաքին քաղաքականության համակարգումը, և Ռուսաստանի Դաշնությունն ու Չինաստանը այդկերպ համագործակցություն են կառուցում։ Նա հավելել է, որ երկու երկրների միջև ապրանքաշրջանառության մակարդակն արդեն հասել է 200 մլրդ դոլարի, և օրացուցային տարում այդ ցուցանիշը կգերազանցվի։ 

Սի Ծինփինն ասել է, որ երկրներն անշեղորեն խորացնում են քաղաքական փոխվստահությունը և պահպանում են սերտ ռազմավարական համագործակցություն:

Պեկինը պատրաստ է աշխատել Ռուսաստանի հետ՝ պաշտպանելու միջազգային արդարությունը։ Նա նաև նշել է, որ Ռուսաստանի Դաշնության և Չինաստանի ղեկավարները հաստատել են ջերմ գործնական հարաբերություններ և ամուր անձնական բարեկամություն։